Om arbeidsgiveren
HSH er ein regional høgskule med om lag 3000 studentar og 280 tilsette. Me tilbyr grunnutdanningar på bachelor- og masternivå og eit bredt utval av etter- og vidareutdanningar. I tillegg driv me fleire forskings- og utviklingsprosjekt gjennom vårt fagmiljø. Me har studiestader på Stord og i Haugesund.
Våre faglege satsingsområde:
- Avdeling for lærarutdanning og kulturfag: Undervising, formidling, forsking og utvikling innan våre ulike lærarutdanningar skal leggje særleg vekt på utvikling av fagleg, kreativ og innovativ kompetanse i skule og barnehage. Analyse av og refleksjon over bruk av teknologi som del av undervising og opplæring er eit viktig fokusområde.
- Avdeling for helsefag: Undervising, formidling, forskning og utvikling innan helsefag skal særleg vektleggje omsorgsvitskap med fokus på folkehelsearbeid, samhandling og personsentrert omsorg til pasientar i langtidsforløp.
Avdeling for tekniske, økonomiske og maritime fag: Undervising, formidling, forskning og utvikling, og regionalt utviklingsarbeid innan dei tekniske, økonomiske og maritime fagområda skal ha spesiell relevans for den petromaritime næringsklynga i regionen. Vi skal ha særskilt fokus på teknisk sikkerheit, økonomisk og organisatorisk usikkerheitshandtering og komplekse maritime operasjonar.
Nøkkeltal for HSH: Tala kjem frå KDs sin Tilstandsrapport 2011, og har med ei samanlikning frå føregåande år. Nøkkeltala finn du her.
Samarbeid: Sidan 2008 har HSH vore med i samarbeidet UH-nett Vest. Me har og ein samarbeidsavtale med Universitetet i Stavanger.
Aksjeeigar: HSH har i dag aksjar i selskapa: Atheno (2,2%), Fanari (13,8%), Resq AS/(0,3%) og Simsea (10,0%).
Miljøfyrtårn: HSH vart i 2011 sertifisert som Miljøfyrtårn-verksemd.
Historikk: HSH blei etablert 1. august 1994, då Statens sikkerhetshøgskole, Haugesund Sjukepleierhøgskole, Stord Lærarhøgskule og Stord Sjukepleiarhøgskule vart slått saman. I 2000 vart avdeling for sikkerhetsopplæring (Bleivik) skilt ut som eige aksjeselskap, og me kjenner det i dag som Resq AS.