Kommunikasjonsrådgiver for sosiale medium og arrangement

Vil du skape engasjement i sosiale medium og bidra til ein god studiestart for nye studentar?

Vi søkjer ein kreativ og strukturert kommunikasjonsrådgjevar til Avdeling for samfunnskontakt og kommunikasjon ved OsloMet – storbyuniversitetet. Stillinga er plassert i seksjon for profilering, omdømme og rekruttering, og du vil spele ei sentral rolle i å koordinere og utvikle kommunikasjonen vår med studentar og andre målgrupper. Dette er ei fast stilling med oppstart så snart som mogleg.

Som kommunikasjonsrådgjevar vil du jobbe med å skape engasjement og tilhøyrsle blant relevante målgrupper, og bidra til å gjere OsloMet synleg gjennom arrangement og i sosiale medium. Du blir ein viktig del av eit team med høge ambisjonar for kommunikasjonsarbeidet ved universitetet.

Dine arbeidsoppgåver vil i hovudsak vere

• leie arbeidet med studiestart og koordinere mottak av nye studentar, inkludert velkomstseremoni, fadderordning og andre aktivitetar dei første vekene
• koordinere og utvikle OsloMet sin kommunikasjon i sosiale medium, inkludert oppfølging av dei dyktige studentmedarbeidarane våre
• vere med på å planleggje, produsere og publisere engasjerande, relevant og målretta innhald i aktuelle digitale kanalar, til dømes sosiale medium, infoskjermar og nettsider
• koordinere, utvikle og gjennomføre arbeidet med større arrangement ved OsloMet

Vi ser etter deg som har

• universitets- eller høgskuleutdanning, minst bachelorgrad, fortrinnsvis innan kommunikasjon, medium, marknadsføring eller tilsvarande. Meget god og relevant praksis kan kompensere for kravet om formell utdanning.
• minimum to års relevant erfaring med kommunikasjonsarbeid
• dokumentert erfaring med koordineringsansvar og gjennomføring av større arrangement
• erfaring med strategisk planlegging og utvikling av sosiale medium
• gode norsk- og engelskkunnskapar, skriftleg og munnleg

Det er ein fordel om du har

• erfaring frå høgare utdanningsinstitusjon eller offentleg sektor
• erfaring med redaksjonelt arbeid og publisering i digitale medium
• erfaring med å leie og koordinere frivillige og/eller studentgrupper
• grunnleggjande kunnskap om foto og visuelt uttrykk

Vi ønskjer deg som

Vi leitar etter deg som er kreativ og løysingsorientert i måten du jobbar på. Du må vere strukturert og organisert med evne til å planleggje og gjennomføre komplekse prosjekt. I denne stillinga er det viktig at du er inkluderande og samarbeidsorientert i møte med både studentar, tilsette og eksterne aktørar. Vi håpar du er sjølvgåande med god gjennomføringsevne, sidan arbeidet krev evne til å ta initiativ og følgje prosjekt frå idé til ferdigstilling med høg kvalitet.

At du er personleg eigna for stillinga vil bli tillagt vekt.

Det er viktig for OsloMet å gjenspegle befolkninga i regionen vår, og vi ønskjer alle kvalifiserte søkarar velkommen. Vi arbeider aktivt med å utvikle oss vidare som ein inkluderande arbeidsplass og for å leggje til rette arbeidsplassen dersom du har behov for det. Har du periodar i livet der du ikkje har vore i arbeid, utdanning eller opplæring er du óg velkommen til å søkje hos oss.

Vi kan tilby deg

• spennande jobb på Noregs tredje største og mest urbane universitet
• ei nøkkelrolle i arbeidet med å skape engasjement og tilhøyrsle blant studentane
• moglegheit for fagleg utvikling i eit dynamisk miljø med dyktige kollegaer
• låne- og pensjonsvilkår i Statens Pensjonskasse
• fleksibel arbeidstid og gode velferdsordningar

Du må laste opp attestar og alle sider av vitnemål. Dokumenta må vere på eit skandinavisk språk eller engelsk. Omsetjingar må vere autorisert. Du må vise fram originalar ved eit eventuelt intervju. OsloMet gjennomfører kontroll av dokument, slik at du som kandidat skal få ei reell evaluering og rettferdig konkurranse.

Andre opplysningar

Ønskjer du nærare informasjon om stillinga kan du kontakte:

• seksjonssjef Julie Backer, [email protected], 907 48 019
• seniorrådgjevar og teamleiar, Lars Hilland, [email protected], 926 47 138

Stillinga blir lønna etter Hovudtariffavtalane i staten og OsloMet sin lønnspolitikk i 1434 rådgjevar frå kroner 542 300 – 686 000,- per år. For spesielt kvalifiserte søkarar kan høgare lønn vurderast. Frå lønna blir det trekt to prosent i lovfesta innskot i Statens Pensjonskasse.

Opplysningar om deg som søkar kan publiserast på den offentlege søkarlista sjølv om du har bede om at søknaden blir behandla konfidensielt. Viss det skjer, vil du bli varsla om det før publiseringa.

Vil du søkje på stillinga må du søkje elektronisk i vårt rekrutteringssystem.

Søknadsfrist: 21. mai 2025 

Ref: 25/04597