Ved Institutt for barnehagelærarutdanning, ved Fakultet for lærarutdanning og internasjonale studiar, er det ledig ei mellombels 100 % stilling som universitetslektor i RLE, for perioden 01.08.2025–31.07.2026.
Institutt for barnehagelærarutdanning har om lag. 2000 studentar og 135 tilsette og er lokalisert i Pilestredet i Oslo sentrum. Instituttet gjev bachelor i barnehagelærarutdanning og master i barnehagekunnskap og dessutan ei rekkje etter- og vidareutdanningskurs. Fakultetet tilbyr ph.d. i utdanningsvitskap for lærarutdanning. Instituttet har eit omfattande samarbeid med barnehagar og institusjonar som er relevante for arbeidet vårt.
Kollegiet samarbeider i tverrfaglege undervisningsteam. Til stillinga ligg det mellom anna undervisning i emneområdet samfunn, religion, livssyn og etikk (SRLE) og i emneområde leiing, samarbeid, og utviklingsarbeid (LSU) på bachelorutdanninga.
Les meir om fakultetet og instituttet: Oslomet.no/om/LUI.
Les meir om forskargruppene våre: Oslomet.no/forskning/forskningsgrupper
Arbeidsoppgåver:
- undervise og rettleie på bachelor- og masternivå
- undervise på ulike vidareutdanningar og oppdragskurs for barnehagesektoren
- følgje opp studentar i praksis
- utføre fagleg-administrative oppgåver
Kvalifikasjonskrav:
- master i religionsvitenskap, cand.theol. (profesjonsstudiet), eller tilsvarende
- dokumentert relevant praktisk-pedagogisk kompetanse på grunnlag av utdanning eller undervisning og rettleiing
- god skriftleg og munnleg framstillingsevne på norsk (minimum B2-nivå), eller eit anna skandinavisk språk og engelsk
Det vil bli lagt vekt på:
- røynsle med undervisnings- og rettleiing frå barnehagelærerutdanninga på bachelor- og masternivå
- pedagogiske evner med vekt på undervisningsdesign, god digital kompetanse og studentaktive læringsformer
- røynsle med generell kompetanse i religionsvitenskap, teologi o.l.
Vi legg òg vekt på om du er personleg egna.
Dei generelle kriteria for tilsetting i undervisnings- og forskingsstillingar følgjer av «Forskrift om ansettelse og opprykk i undervisnings- og forskerstillinger (FOR-2006-02-09-129)», jf. overgangsreglar omtala i Forskrift til universitets- og høyskoleloven § 13.2.
Vi ønsker deg som har
- eigenskapar som kan bidra positivt til arbeidsmiljøet
- god evne til å kommunisere og samarbeide med studentar og kollegar
OsloMet gjennomfører prøving av pedagogiske kvalifikasjonar i forbindelse med intervju.
Det er viktig for OsloMet å spegle folkesetnaden i regionen vår, og vi ønsker alle kvalifiserte søkjarar velkommen. Vi arbeider aktivt med å utvikle oss vidare som ein inkluderande arbeidsplass og for å legge til rette arbeidsplassen dersom du har behov for det. Har du periodar i livet der du ikkje har vært i arbeid, utdanning eller opplæring, er du også velkommen til å søke hos oss.
Vi tilbyr:
- interessante oppgåver ved Noregs tredje største universitet
- moglegheiter til fagleg utvikling
- gode velferdsordningar og eit omfattande tilbod av aktivitetar innan kultur og sport
- låne- og pensjonsvilkår i Statens pensjonskasse
Søknadsprosess:
Vil du søke på stillinga, må du søke via rekrutteringssystemet vårt.
Innan søknadsfristen må du saman med søknaden laste opp følgjande dokument:
- søknadsbrev
- CV, attestar og alle sider av vitnemål
- ev. publikasjonsliste
- kontaktinformasjon til 2 referansar
OsloMet behandlar berre søknadar som er sendt via det elektroniske rekrutteringssystemet, og alle dokument må lastast opp for at søknaden din skal bli behandla. Dokumenta må vere på eit skandinavisk språk eller engelsk. Omsetjingar må vere autoriserte, og originalar må visast fram ved eit eventuelt intervju. OsloMet gjennomfører kontroll av dokument slik at alle kandidatar skal få ei reell evaluering og rettferdig konkurranse. Ufullstendige søknader vil ikkje bli tekne til vurdering.
Tilsetjinga blir gjennomført etter prinsippa i Statsansatteloven (lovdata.no), og lovverk som regulerer eksport av kunnskap, teknologi og tenester.
OsloMet har slutta seg til prinsippa i DORA-erklæringen og forplikta institusjonen til å følge anbefalingane i denne.
Andre opplysningar:
For nærare informasjon om stillinga kan følgjande kontaktast:
Stillinga vert løna etter vilkåra i Hovudtariffavtalane i Staten og OsloMet sin lønnspolitikk som universitetslektor i kode 1009, tilsvarande kr. 509 300 til kr. 646 000 per år. Frå lønna blir det trekt 2 % pensjonsinnskot til Statens pensjonskasse (SPK). For særleg kvalifiserte søkjarar kan høgre løn bli vurdert.
Søk elektronisk på stillinga ved å nytte knappen nedst på sida «Logg inn og søk stillinga»
